پاکستان تحریک انصاف کی سینئر رہنما و سابق وزیر برائے انسانی حقوق شیریں مزاری نے کہا ہے کہ انسداد دہشتگردی ایکٹ کو دوبارہ پڑھنے کی ضرورت ہے۔

تفصیلات کے مطابق سابق وزیر برائے انسانی حقوق شیریں مزاری نے اپنے ایک بیان میں کہا کہ یہ اعلان کرنے کا کوئی طریقہ نہیں ہے کہ آپ کسی پولیس افسر کے خلاف قانونی کارروائی کریں گے تو وہ جرم بن جائے گا۔

ان کا کہنا تھا کہ کسی شہری کے خلاف غیر قانونی کارروائیاں سیکشن 6 سب سیکشن 2 ایم یا این کے تحت جرم بن جاتا ہے۔

پی ٹی آئی رہنما نے کہا کہ ہر شہری کو سرکاری اہلکار کے خلاف قانونی کارروائی کرنے کا حق ہے، دہشت گردی کی تعریف میں کیا آتا ہے اور کیا نہیں آتا اس پر بھی سپریم کورٹ کا ایک تاریخی فیصلہ موجود ہے۔

ڈاکٹر شیریں مزاری نے مزید کہا کہ اسلام آباد پولیس کے باس کو عمران خان کو نوٹس جاری کرنے سے قبل یہ فیصلہ پڑھ لینا چاہیے۔