کراچی میں شدید گرمی کے باعث لوڈشیڈنگ نے عوام کا برا حال کردیا ہے۔

تفصیلات کے مطابق شہر قائد میں درجہ حرارت میں اضافے کے بعد کے الیکٹرک نے بھی  لوڈ شیڈنگ کا دورانیہ بڑھا دیا ہے، بجلی کی طویل لوڈشیڈنگ پر شہریوں کی جانب سے شہر کے مختلف علاقوں میں احتجاج کیا گیا ہے۔

نارتھ ناظم آباد بلاک ڈبلیو، کورنگی، لیاقت آباد، گلبہار، ابوالصفہانی روڈ ، پاک کالونی، پی ای سی ایچ ایس، کلفٹن ڈی ایچ اے، قیوم آباد اور بھٹائی کالونی میں لوڈ شیڈنگ کا سلسلہ جاری ہے۔

نارتھ کراچی سمیت لوڈ شیڈنگ سے مستثنی  دیگر علاقوں میں 5 سے 7 گھنٹے لوڈ شیڈنگ کی جارہی ہے۔

لوڈ شیڈنگ والے علاقوں میں دورانیہ 12 سے 15گھنٹے تک پہنچ گیا ہے جبکہ رات کے اوقات میں  3 دفعہ ایک سے ڈیڑھ گھنٹے کی لوڈ شیڈنگ کی جارہی ہے۔