بلوچستان میں 11 یونین کونسلوں کی 57 وارڈز میں پولنگ کا آغاز ہو گیا ہے۔

اس حوالے سے الیکشن کمیشن آف پاکستان نے اعلان کیا ہے کہ بلوچستان کے چار اضلاع کی 11 یونین کونسلز کے 65 وارڈز میں آج ہونے والے بلدیاتی انتخابات کی تیاریاں مکمل کر لی گئی ہیں۔

ترجمان ای سی پی کے مطابق پولنگ کے پرامن انعقاد کے لیے کل 67 پولنگ اسٹیشنز قائم کیے گئے ہیں جو صبح 8 بجے سے شام 5 بجے تک بغیر کسی وقفے کے جاری رہیں گے۔

الیکشن کمیشن اسلام آباد اور صوبائی الیکشن کمشنر بلوچستان کے دفاتر میں کنٹرول روم قائم کردیئے گئے ہیں۔

صوبائی الیکشن کمشنر بلوچستان عبدالقیوم شینواری اور جوائنٹ صوبائی الیکشن کمشنر بلوچستان طاہر منصور خاں نے کنٹرول روم اور دیگر انتظامات کا جائزہ بھی لیا ہے تاہمتمام پولنگ اسٹیشنوں پر سخت سیکیورٹی کے انتظامات کئے گئے ہیں.۔

اس سے قبل پولنگ گزشتہ ماہ کی 28 تاریخ کو ہونی تھی لیکن صوبے میں سیلاب اور طوفانی بارشوں کے باعث اسے ملتوی کر دیا گیا تھا۔