پاکستان تحریک انصاف کے ممکنہ لانگ  مارچ کی کالکے ڈر سے وزارت داخلہ نے تیاریاں شروع کردیں ہیں۔

چیئرمین پی ٹی آئی عمران خان کو اسلام آباد آنے سے روکنے کیلئے وزیر داخلہ متحرک ہوگئے ہیں ۔

اس سلسلے میں رانا ثناء اللہ نے رینجر اور ایف سی اسلام آباد میں تعینات کرنے کی سمری کابینہ کو بھیجوا دی ہے تاہم منظوری کے بعد اہلکار اسلام آباد میں تعینات کر دیئے جائیں گے۔

وزیر داخلہ کی جانب سے اسلام آباد کی سیکیورٹی کے لئے  5ہزار ایف سی اہلکار، 5 ہزار پنجاب رینجرز اور سندھ رینجرز کے 2 ہزار جوانوں کی سمری ارسال کی گئی ہے۔

خیال رہے کہ رواں ہفتے بھی اسلام آباد کے داخلی اور خارجی راستوں کو کنٹینر لگا کر اور خٓردار تاریں لگاکر بند کیا گیا تھا۔

اسکے علاوہ  سیکیورٹی کے بھی سخت انتظامات کئے گئے تھے جو کہ کسان اتحاد کے مارچ کی صورت میں کیے گئے تھے۔