ڈاکوؤں سے پریشان عوام کے لیے مزید پریشانی، پنجاب پولیس کا ڈی ایس پی ہی جرائم میں ملوث نکلا۔

تفصیلات کے مطابق   چوری کے مقدمے میں قبضے میں لی گئی گاڑی ذاتی استعمال کرنے پر ڈی ایس پی اے وی ایل ایس  کے خلاف مقدمہ درج کرلیا گیا۔

انسپکٹر رانا شکیل اور محرر اے وی ایل ایس کو مقدمے میں نامزد کیا گیا ہے۔ انسپکٹر رانا شکیل ڈی ایس پی اے وی ایل ایس اقبال ٹاؤن کے طور پر کام کر رہے ہیں۔

ایف آئی آر کے مطابق ضلع لیہ سے گاڑی قبضے میں لی گئی جسے ڈی ایس پی اے وی ایل ایس اقبال ٹاؤن ذاتی استعمال کر رہے تھے۔ مقدمے کی تفتیش کرنے پر معلوم ہوا گاڑی تھانے میں موجود نہیں ہے ۔

محرر اقبال ٹاؤن اے وی ایل ایس کی ملی بھگت سے انسپکٹر رانا شکیل گاڑی استعمال کرتے رہے۔

تھانہ مصطفیٰ  ٹاؤن میں مقدمہ درج کر کے انسپکٹر رانا شکیل اور محرر اقبال ٹاؤن اے وی ایل ایس سے تفتیش شروع کردی گئی ہے۔