صوبائی وزیر صحت ڈاکٹر یاسمین راشد نے ریجنل بلڈ سنٹر فیصل آباد کیلئے پی سی ون بنانے کا حکم دیتے ہوئے پنجاب کے تمام سرکاری ٹیچنگ اسپتالوں کو اپنے بلڈبینک قائم کرنے کی بھی ہدایت کردی ہے۔

وزیر صحت پنجاب نے یہ احکامات محکمہ اسپیشلائز ہیلتھ کیئراینڈ میڈیکل ایجوکیشن میں اعلیٰ سطح کے اجلاس کے دوران جاری کیے۔

اجلاس کے دوران یاسمین راشد نے ہاسپٹل ویسٹ مینجمنٹ رجیم کا بھی جائزہ لیا اور متعلقہ افسران نے صوبائی وزیر صحت کو بریفنگ بھی دی۔

‘تمام بلڈبینکس میں جدید ٹیکنالوجی کے استعمال کو یقینی بنایا جائے گا’

اس موقع پر ڈاکٹر یاسمین راشد نے اظہار خیال کرتے ہوئے کہا کہ ریجنل بلڈسنٹر فیصل آباد کے پائلٹ پراجیکٹ کیلئے پی سی ون بنانے کی ہدایت کردی ہے۔

پنجاب کے تمام سرکاری ٹیچنگ اسپتالوں کو اپنا بلڈبینک قائم کرنے کی بھی ہدایت کردی ہے، تمام بلڈبینکس میں جدید ٹیکنالوجی کے استعمال کو یقینی بنایا جائے گا۔

پنجاب کے تمام سرکاری بلڈبینکس میں اسکریننگ کا عمل انتہائی صاف شفاف بنانے کی کوشش کررہے ہیں، فیصل آباد میں آربی سی کے بائلٹ پراجیکٹ کی کامیابی کے بعد وہی ماڈل سارے صوبے میں رائج کریں گے۔

 پنجاب کے تمام سرکاری ٹیچنگ اسپتالوں میں فضلہ کی 100 فیصد تلفی کو یقینی بنایا جائے، پنجاب کے تمام سرکاری ٹیچنگ اسپتالوں کو سولرانرجی پرمنتقل کرنے کا منصوبہ بھی لارہے ہیں۔

واضح رہے کہ اجلاس میں سیکرٹری صحت پنجاب عمران سکندر بلوچ، اسپیشل سیکرٹریزمحمد عثمان اور ڈاکٹر فرخ نوید، ایڈیشنل سیکرٹری ٹیکنیکل ڈاکٹرحافظ شاہد لطیف، چیف پلاننگ آفیسرعبدالحق بھٹی، میاں زاہدالرحمن، ڈاکٹریداللہ، زاہدہ سرور اور انسٹی ٹیوٹ آف بلڈٹر انفیوژن سروسز کے افسران نے شرکت کی۔

بھونگ انٹرچینج کی لوکیشن تبدیلی ، وفاقی حکومت سے جواب طلب

 سپریم کورٹ نے سکھر ملتان موٹر وے پر بھونگ انٹرچینج کی لوکیشن کی تبدیلی کے خلاف کیس میں وفاقی حکومت کو نوٹس جاری کرکے جواب طلب کرلیا، جسٹس اعجازالاحسن اور جسٹس مظاہر علی اکبر نقوی پر مشتمل دو رکنی بینچ نے سابق وفاقی وزیر رئیس منیراحمد کی درخواست کی سماعت کی۔

عدالت نے  انٹر چینچ کی تبدیلی پر رپورٹ بھی طلب کر لی ہے، دوران سماعت درخواست گزار رئیس منیر کی جانب سے  ایڈووکیٹ حامد خان نے عدالت میں پیش ہوکر موقف اپنایا کہ بھونگ انٹرچینج کا پی سی ون منظور ہوگیا تھاعدالت کا بھی حکم تھا کہ بھونگ پر موٹر وے کا انٹرچینج بنایا جائے۔ حکومت کی تبدیلی کے بعد بھونگ انٹرچینج کی لوکیشن کو جمال دین والی کے ساتھ تبدیل کر دیا گیا۔

اس دوران وکیل این ایچ اے فیصل چوہدری نے عدالت سے کہا این ایچ اے نے پی سی ون میں بھونگ انٹرچینج کی تجویز دی تھی۔