سیکریٹری تعلیم سندھ نے 78 اساتذہ کے جعلی دستاویزات کا انکشاف کرنے کے بعد ان کی تنخواہیں فوری روکنے کا فیصلہ کیا ہے۔

تفصیلات کے مطابق 51 سندھی لینگویج ٹیچر جعلی دستاویزات کے ذریعے بھرتی کیے گئے اور 27 ڈرائنگ ٹیچرز نے بھی نے جعلی دستاویزات جمع کروائے۔

سیکریٹری تعلیم سندھ غلام اکبر لغاری نے اس موقعے پر کہا کہ محکمہ تعلیم سندھ دھوکہ دہی کے جرم میں قانونی چارہ جوئی کا حق رکھتا ہے۔

دوسری جانب 1037 اساتذہ میں سے کراچی کے 206 امیدواروں کو کلین چٹ دے دی گئی؛ کلین چٹ اساتذہ کی جاری کردہ فہرست میں ایک ہی ورکشاپ انسٹرکٹر کے دو بار نام لکھنے کا بھی انکشاف ہوا ہے۔