کراچی کے مختلف علاقوں میں موبائل فون سروس بند ہوگئی ہے۔

تفصیلات کے مطابق کراچی کے مختلف علاقوں میں 12 ربیع الاول کی تیاریوں کے سلسلے میں سروس بند کی گئی ہے۔

 پاکستان ٹیلی کمیونیکیشن اتھارٹی (پی ٹی اے) حکام کا کہنا ہے کہ کراچی کے مختلف علاقوں  میں موبائل فون سروس صبح سویرے سے بند ہے۔

پی ٹی اے حکام نے بتایا کہ صارفین کے مطابق گلستان جوہر، ڈیفنس اور  ناظم آباد میں موبائل نیٹ ورکس بند ہیں، اس کےعلاوہ ملیر، صدر اور ٹاور سمیت کئی علاقوں میں بھی صارفین نیٹ ورکس بند ہونے کی شکایات  کررہے ہیں۔

پاکستان ٹیلی کمیونیکیشن اتھارٹی کا مزید کہنا ہے کہ موبائل سروس کی بندش وفاقی حکومت کی درخواست پر کی گئی ہے۔