شہر قائد میں ڈاکو راج جاری ہے جبکہ پولیس لوٹ مار کی وارداتیں اور اس دوران فائرنگ کے واقعات روکنے میں مکمل ناکام  نظر آ رہی ہے۔

تفصیلات کے مطابق نارتھ ناظم آباد بلاک اے بورڈ آفس کے قریب ڈکیتی مزاحمت پر فائرنگ سے ایک شخص زخمی ہوگیا ہے، ڈاکوٶں کی فائرنگ سے زخمی 40 سالہ عمر نامی شخص کو عباسی شہید اسپتال منتقل کردیا گیا ہے۔

  کراچی شہر میں لوٹ مار کے دوران مزاحمت پر ڈاکوٶں نے 86 چھیاسی گھرانوں کے پیاروں کو رواں سال کے دوران لقمہ اجل بنا دیا ہے۔

یومیہ اوسطاً 279 افراد کراچی میں  جرائم پیشہ عناصر کا نشانہ بن رہے ہیں جبکہ 35  ہزار سے زائد کی پولیس فورس ڈاکوٶں کو قابو کرنے میں مکمل طور پر ناکام دکھائی دے رہی ہے۔

پولیس ذرائع کا کہنا ہے کہ جرائم کو چھپانے کے لئے مقدمات کا اندراج تک نہیں کیا جاتا ہے۔

پولیس ذرائع نے مزید بتایا کہ شہر بھر میں موبائل فون چھینا اور موٹر سائیکل چوری ہونا روز کا معمول بن گیا ہے۔