ناصر حسین شاہ نے کہا ہے کہ ہم بلاول بھٹو زرداری کے ویژن کے تحت کام کررہے ہیں۔

تفصیلات کے مطابق صوبائی وزیر بلدیات ناصر حسین شاہ نے تقریب سے خطاب کرتے ہوئے کہا کہ پیپلزپارٹی کے چیئرمین بلاول بھٹو کے ویژن کے تحت کام کیا جا رہا ہے۔

انہوں نے کہا کہ ایک ماہ میں پورے شہر میں سالڈ ویسٹ مینجمنٹ کام شروع کردے گا جبکہ کراچی میں مکمل طور پر کام شروع ہوگیا ہے۔

ان کا کہنا تھا کہ جس طرح کراچی میں کونسلز کی منظوری کے بعد کام شروع ہوگیا اسی طرح حیدرآباد میں ہوگا جبکہ اب حیدرآباد صاف ہوگا اور ہم شہریوں کی کچرے سے جان چھوڑوائیں گے۔

 ناصر حسین شاہ نے کہا کہ ترکی کی کمپنی کا بہت تجربہ ہے دنیا کے بہت سارے شہروں میں کام کیا ہے اور مجھے بھی ان سے پوری امید ہے کہ یہ بہت اچھا کام کریں گے۔

انہوں نے کہا کہ شہر کے لئے بہت ساری اسکیمیں منظور کی گئی ہیں جبکہ ایم کیو ایم پاکستان کے دوستوں کو بھی منصوبوں میں شامل کیا گیا ہے۔

  ان کا کہنا تھا کہ بارشوں میں ہمارے انفراسٹرکچر کو بہت نقصان ہوا ہے جبکہ اسے دور کرنے کے لئے فنڈز بھی جاری کردئیے گئے ہیں۔

ان کا یہ بھی کہنا تھا کہ شہر کی بہت ساری شاہراہیں تعمیر کی جارہی ہیں تاکہ عوامی پریشانی کا خاتمہ ہوسکے۔

صوبائی وزیر بلدیات ناصر حسین شاہ نے مزید کہا کہ چیئرمین بلاول بھٹو نے کچھ کچرا لانگ مارچ پر ختم کیا تھا جبکہ اب دوبارہ جو کچرا بچا ہے اسے بھی صاف کردیا جائے گا۔