بولان میں پولیس اسٹیشن پر ہینڈ گرنیڈ بم حملہ کے نتیجے میں 1 پولیس اہلکار شہید ہوگیا ہے۔

اس حوالے سے پولیس کا کہنا ہے کہ ڈھاڈر پولیس اسٹیشن پر رات 3 بجے کے قریب ہینڈ گرنیڈ بم حملہ ہوا۔

پولیس نے بتایا کہ گزشتہ رات گئے نا معلوم شر پسند عناصر نے ڈھاڈر پولیس تھانہ کے اندر ہینڈ گرنیڈ بم پھینک کر فرار ہوگئے ہینڈ گرنیڈ پھٹنے سے ڈیوٹی پر مامور پولیس سپاہی عابد علی شدید زخمی ہوگئے۔

پولیس کا کہنا تھا کہ واقعہ کے بعد حملہ آور رات کی تاریکی میں فرار ہوگئے پولیس نے زخمی کو فوری پر سول اسپتال ڈھاڈر منتقل کردیا جہاں زخموں کی تاب نہ لاتے ہوئے شہید ہوگئے۔

پولیس کے مطابق واقعہ کے بعد پولیس نے علاقے کی داخلہ اور خارجی راستوں کی ناکہ بندی کرکے سخت چیکنگ شروع کردی ہے تاہم واقعہ کی ابھی تک کسی بھی تنظیم نے ذمہ داری قبول نہیں کی ہے۔