گھوٹکی میں تیز رفتار ایکسپریس بس الٹ گئی جس کے نتیجے میں 10 سے زائد افراد زخمی ہو گئے ہیں۔

تفصیلات کے مطابق یہ واقعہ گھوٹکی میں ڈہرکی بائی پاس روڈ پر پیش آیا جہاں تیز رفتار ایکسپریس بس الٹ گئی جس کے باعث 10 سے زائد افراد زخمی ہو گئے۔

زخمیوں کو ٹی ایچ کیو اسپتال منتقل کیا گیا ہے، دو زخمیوں کی حالت تشویشناک بتائی جا رہی ہے۔

بس سکھر سے رحیمیار خان جا رہی تھی۔

واضح رہے کہ دنیا بھرمیں ٹریفک حادثے انسانی جانوں کے لیے ایک بڑے خطرے کے طور پر سامنے آ رہے ہیں، عالمی ادارہ صحت کے مطابق ہر سال لاکھوں افراد ٹریفک حادثات کی وجہ سے اپنی جانوں سے ہاتھ دھو بیٹھتے ہیں۔

ایک عالمی تحقیقاتی ادارے کے مطابق پاکستان میں ہلاکتوں کا باعث بننے والے پچاس عوامل اور بیماریوں میں ٹریفک حادثات پندرہویں نمبر پر ہیں۔

پاکستان میں ایڈز، ناقص خوراک، مرگی، تشدد کئی قسم کے سرطان اور خود کشیوں کی وجہ سے انفرادی طور پر ہونے والی اموات سے ٹریفک حادثات میں مرنے والے لوگوں کی تعداد زیادہ ہے۔

اس رپورٹ کے مطابق سب سے زیادہ ٹریفک حادثات موٹر سائیکل سواروں، آٹو رکشا والوں اور موٹر کاروں اور وینز چلانے والوں کو پیش آئے اس کے بعد بسوں اور ٹرکوں کے حادثات رپورٹ ہوئے ہیں۔