سعودی عرب جانے والے مسافر کے پیٹ سے منشیات برآمد کرلی گئی ہے۔

تفصیلات کے مطابق اے این ایف کی جانب سے منشیات کے خلاف کارروائیوں کا سلسلہ جاری ہے۔

ترجمان اے این ایف کا کہنا ہے کہ اسلام آباد انٹرنیشنل ائیرپورٹ پر سعودی عرب  جانے والے مسافر کے پیٹ سے کیپسولز برآمد کرلیے گئے ہیں۔

ترجمان اے این ایف نے بتایا کہ بھکر کے رہائشی ملزم کے پیٹ سے 135 جبکہ خاتون سے 10 ہیروئن بھرے کیپسولز برآمد کیے گئے۔

اسکے علاوہ حیدر آباد میں ٹنڈو اللہ یار کے 2 رہائشی ملزمان سے10 کلو چرس برآمد کی گئی جبکہ اے این ایف اور ایف سی کی مشترکہ کارروائی کے دوران اورکزئی سے 16کلو 800 گرام چرس برآمد کرلی گئی ہے۔

ترجمان اے این ایف کا مزید کہنا ہے کہ ملزمان کو گرفتار کر کے انسدادِ منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔