خاران میں سیکورٹی فورسز کی جانب سے شرپسندوں کیخلاف آپریشن کیا گیا جس دوران 4 دہشت گردوں کی ہلاکت کی اطلاع موصول ہوئی ہے۔

اس حوالے سیکورٹی ذرائع کے مطابق  سیکورٹی فورسز نے خاران سے متصل علاقہ زیریں جنگل میں شرپسندوں کے خلاف آپریشن کیا ہے۔

 سیکورٹی ذرائع کے مطابق سی ٹی ڈی نے حساس ادارے کے اطلاع پر کارروائی کی جس دوران شدید فائرنگ کے تبادلے میں 4 دہشت گرد ہلاک ہوئے۔

دہشت گردوں کے قبضے سے خطرناک اسلحہ گولہ بارود اور دھماکہ خیز مواد بھی برآمد کرلیا گیا ہے۔

سی ٹی ڈی ذرائع کے مطابق ہلاک دہشتگرد نوشکی ایف سی کیمپ حملے اور بم دھماکوں میں ملوث اور سیکورٹی فورسز اور اعلیٰ سول شخصیات کو نشانہ بنانے کے لیے موجود تھے۔

سی ٹی ڈی ذرائع کاکہنا ہے کہ خاران میں پولیس اور شہریوں کی ٹارگٹ کلنگ بھی یہی گروپ کرتا رہا۔