ثانوی و اعلیٰ ثانوی تعلیمی بورڈ نے میٹرک سائنس کے سالانہ امتحانات کے نتائج کا اعلان کردیا ہے۔

تفصیلات کے مطابق ثانوی و اعلیٰ ثانوی تعلیمی بورڈ کی جانب سے میٹرک سائنس کے سالانہ امتحانات کے نتائج کا اعلان کیا گیا ہے،9 اضلاع میں 61937 امیدواروں نے امتحانات میں شرکت کی۔

امتحانات میں 59127 طالب علم پاس جبکہ 2100طالب علم فیل ہوگئےجبکہ امتحانات میں کامیابی کا تناسب 96.62فیصد رہا۔

15664 طالب علموں نے اے ون  گریڈ اور 23972 نے اے گریڈ حاصل کیا جبکہ 14709 طالب علموں نے بی گریڈ اور 4434 امیدواروں نے سی گریڈ حاصل کیا۔

میٹرک امتحانات میں آمنہ امتیاز نے پہلی پوزیشن حاصل کی جبکہ میٹرک امتحانات میں شایان عباس نے دوسری اور ناتلیہ میمن نے تیسری پوزیشن حاصل کی ہے۔