حیدرآباد میں بے قابو پولیس وین کی ٹکر سے برگر فروش ہلاک جبکہ راہگیر زخمی ہو گیا ہے۔

تفصیلات کے مطابق یہ واقعہ حیدرآباد میں واقع زیل پاک کالونی سائیٹ ایریا کے قریب پیش آیا جہاں تیز رفتار موبائل نے برگر فروش کا ٹھیلہ اور رکشہ اڑا دیا جس کے باعث برگر فروش جاں بحق جبکہ ایک شخص شدید زخمی ہو گیا۔

مکینوں کی جانب سے زخمی رکشہ ڈرائیور اور لاش کو قریبی اسپتال منتقل کر دیا گیا ہے۔

عینی شاہدین کا کہنا ہے کہ پولیس موبائل میں مبینہ طور پر نشے میں دھت شخص ڈرائیونگ کر رہا تھا، پولیس موبائل میں شراب کی بوتلیں اور خاتون بھی موجود تھیں۔

ذرائع کا کہنا ہے کہ مکینوں کی جانب سے نشے میں شخص کو اور خاتون کو تھانہ سائیٹ پولیس کے حوالے کر دیا گیا ہے۔