پاکستان تحریک انصاف (پی ٹی آئی) علی زیدی کا کہنا ہے کہ وزیرخارجہ الیکشن سے بھاگنا چاہتے ہیں۔

سابق وفاقی وزیر علی زیدی نے میڈیا سے گفتگو کرتے ہوئے کہا کہ پاکستان کے وزیرخارجہ دورہ پاکستان پر آئے تھے، اور آج ہی جرمنی کے دورے پر جارہے ہیں، یہ الیکشن سے بھاگنا چاہتے ہیں۔

‘جب میچ ہوسکتے ہیں تو الیکشن کیوں نہیں؟’

انہوں نے کہا کہ جب میچ ہوسکتے ہیں تو الیکشن کیوں نہیں؟ انہیں یقین ہے سندھ میں اگلی حکومت پیپلزپارٹی کی نہیں۔

 علی زیدی نے کہا کہ ہمارے وزیرخارجہ ساری دنیا میں گھوم رہے ہیں، انکا صوبہ ڈوبا ہوا ہے یہ وہاں نہیں جارہے۔

‘سندھ میں 2بار بلدیاتی الیکشن ملتوی ہوچکے ہیں’

پی ٹی آئی رہنما نے کہا کہ یہ کہہ رہے تھے عمران خان سیلاب کے دوران جلسے کررہے ہیں، یہاں بیٹھ کر فرما رہے ہیں کہ الیکشن نہیں کراسکتے۔

علی زیدی نے مزید کہا کہ سندھ میں 2بار بلدیاتی الیکشن ملتوی ہوچکے ہیں، جب ہم نے ہر حلقے سے استعفیٰ دیا تو تمام حلقوں میں الیکشن کرائیں۔

شبلی فراز کی گفتگو

دوسری جانب تحریک انصاف کے رہنما شبلی فراز نے نول نیوز سے خصوصی گفتگو کرتے ہوئے کہا کہ ہمارے پاس ایسا کشتا ہے جو رانا صاحب کو خاص طور پر پیش کریں گے۔

انہوں نے کہا کہ لانگ مارچ کی تیاریاں پوری ہیں، 25 مئی کو جو ہوا اسکا باریک بینی سے جائزہ لیا، ایک ایک چیز کو ہم نے اسٹریٹیجی میں رکھا ہے بلکل کلیئر ہے۔

شبلی فراز نے مزید کہا کہ پورے پاکستان کی تاریخ میں یہ ہماری طرف سے پرامن مارچ ہو گا، اگر اسکو ڈسٹرپ کرنے کی کوشش کی تو اسکی ذمہ دار حکومت ہو گی۔