عمر سرفراز چیمہ نے کہا ہے کہ تحریک انصاف نے ہمیشہ پرامن ریلیاں اور لانگ مارچ کیے ہیں۔

تفصیلات کے مطابق مشیر داخلہ پنجاب عمر سرفراز چیمہ نے میڈیا سے گفتگو کرتے ہوئے کہا کہ ہم نے 126 دن کا پر امن دھرنا دیا جبکہ تحریک انصاف نے ہمیشہ پر امن ریلیاں اور لانگ مارچ کیے ہیں۔

انہوں نے کہا کہ بطور مشیر داخلہ پنجاب میری ذمہ داری سیکورٹی کی ہے جبکہ بطور حکومت بھی ہمارا فرض ہے کہ  لوگوں کو سیکورٹی فراہم کریں۔

 ان کا کہنا تھا کہ 25 مئی کو پنجاب حکومت نے بدترین ریاستی مشینری کا استعمال کیا۔

مشیر داخلہ پنجاب عمر سرفراز چیمہ نے مزید کہا کہ لوگ اپنا آئینی حق استعمال کرتے ہوئے سڑکوں پر نکلیں گے اور اگر کوئی قانون ہاتھ میں لے گا تو قانون حرکت میں آئے گا۔