گورنرسندھ کامران خان ٹیسوری نے کہا ہے کہ معاشی شہ رگ کراچی کی ترقی دراصل پورے ملک کی ترقی ہے۔

تفصیلات کے مطابق گورنرسندھ کامران خان ٹیسوری سے ایڈمنسٹریٹر کراچی مرتضیٰ وہاب کی گورنر ہاؤس میں ملاقات ہوئی ہے۔

ملاقات میں وفاقی فنڈنگ سے جاری ترقیاتی منصوبوں، شہر میں صفائی ستھرائی کے لئے اقدامات اور اہمیت کے حامل دیگر امور پر تبادلہ خیال کیا گیا ہے۔

گورنرسندھ کامران خان ٹیسوری نے کہا کہ کراچی کو دوبارہ روشنیوں کا شہر بنانے کے لئے سب کو مل کر کام کرنا ہوگا۔

گورنرسندھ کامران خان ٹیسوری نے مزید کہا کہ معاشی شہ رگ کراچی کی ترقی دراصل پورے ملک کی ترقی ہے جبکہ شہر کی ترقی کے لئے وفاق بھی ہر ممکن تعاون جاری رکھے گا۔

اس موقع پر ایڈمنسٹریٹر کراچی مرتضیٰ وہاب نے کہا کہ انفرااسٹرکچر کی بحالی پر خصوصی توجہ دی جارہی ہے جبکہ شہر بھر میں بارش سے متاثر ہونے والی سڑکوں کی استر کاری بھی جاری ہے۔