میانوالی میں کالاباغ روڈ پر خطرناک حادثے کے باعث 2 افراد جاں بحق جبکہ 7 افراد شدید زخمی ہو گئے ہیں۔

تفصیلات کے مطابق یہ واقعہ میانوالی میں کالاباغ روڈ کے قریب پیش آیا جہاں بس اور کار کے درمیان خوفناک تصادم ہوا جس کے نتیجے میں 2 افراد جاں بحق اور 7 افراد زخمی ہو گئے، زخمیوں اور لاشوں کو ہسپتال منتقل کر دیا گیا ہے۔

حادثہ کے بعد شہریوں نے میانوالی کالاباغ روڈ کو ہر قسم کے ٹریفک کے لیے بند کر دیا تھا جس کے نتیجے میں گاڑیوں کی لمبی لمبی لائنیں لگ گئی تھیں۔

احتجاجی مظاہرین نے کہا کہ میانوالی کالاباغ روڈ کو ڈبل روڈ بنایا جائے۔

انتظامیہ سے مزاکرات کے بعد روڈ ٹریفک کے لیے کھول دیا گیا ہے۔