سینئر صوبائی وزیر میاں اسلم اقبال سے پنجاب سرمایہ کاری بورڈ کے کمیٹی روم میں لاہور بارکابینہ کے وفد کی ملاقات ہوئی ہے۔

ملاقات میں عمران خان کے خلاف الیکشن کمیشن کے غیر آئینی اور غیرقانونی فیصلہ کی مذمت کی گئی اور بار عہدیداران نے وکلاء کو درپیش مسائل  سے بھی سینئر صوبائی وزیر کو آگاہ کیا۔

  وفد نے وکلا کی فلاح و بہبود کے لئے ہاؤسنگ سکیم اور صحت کارڈ کے علاوہ دیگر مطالبات بھی سامنے رکھے۔

سینیئر صوبائی وزیر میاں اسلم اقبال نے وکلاء کے جائز مسائل ترجیحی بنیادوں پر حل کرنے کے لئے کوششیں تیز کر نے کی یقین دہانی کروائی جبکہ اس ضمن میں کلیدی کردار ادا کرنے کا وعدہ بھی کیا۔

اس موقع پر سیںنئر صوبائی وزیر میاں اسلم اقبال نے آئین و قانون اور جمہوریت کے لئے وکلاء کی کاوشوں کو بھی سراہا۔