وفاقی کابینہ کی جانب سے عوامی احتجاج روکنے کیلئے عوامی احتجاج روکنے کیلئے وزارت داخلہ کی فنڈز کی سمری کی منظوری دیدی گئی ہے۔

ذرائع کے مطابق وزیراعظم کی زیر صدارت وفاقی کابینہ کا اجلاس منعقد ہوا جس میں کابینہ نے41 کروڑروپے فنڈز کی وزارت داخلہ کی سمری کی منظوری دیدی ہے۔

ذرائع نے بتایا کہ فنڈز ممکنہ لانگ مارچ اور دھرنے میں امن و امان برقرار رکھنے کیلئے مانگے گئے ہیں۔

دوران اجلاس وفاقی کابینہ نے سائفر گمشدگی اور مبینہ آڈیو لیکس سے متعلق جاری تحقیقات سمیت سیاسی امور پر غور کیا گیا ہے۔

اس موقع پر وفاقی کابینہ کی وزیر داخلہ رانا ثناء اللہ کے خلاف وارنٹ گرفتاری جاری کئے جانے کی مذمت کی گئی جبکہ وزیر داخلہ کا کہنا تھا کہ محکمہ اینٹی کرپشن نے غلط ریکارڈ پیش کرکے وارنٹ گرفتاری حاصل کئے ہیں۔