کراچی میں منشیات فروشوں کے خلاف کارروائیاں کی گئی جس کے نتیجے میں 3 ملزمان گرفتار کرلیے گئے ہیں۔

تفصیلات کے مطابق کراچی شہر میں کلفٹن اور درخشاں پولیس کی جانب سے منشیات فروشوں کے خلاف کارروائیاں کی گئی جس کے نتیجے میں 3 ملزمان منشیات سمیت گرفتار کرلیے گئے ہیں۔

پولیس حکام کا کہنا ہے کہ درخشاں پولیس کی جانب سے 1 ملزم جبکہ کلفٹن پولیس نے 2 ملزمان کو گرفتار کیا۔

پولیس حکام نے بتایا کہ کلفٹن پولیس کے ہاتھوں گرفتار ملزمان کی شناخت بابر علی اور محمود خان کے نام سے ہوئی جبکہ درخشاں پولیس کے ہاتھوں گرفتار ملزم کی شناخت محمد رمضان کے نام سے ہوئی ہے۔

پولیس حکام کا کہنا ہے کہ دوران تلاشی ملزم بابر کے قبضے سے 70 گرام، ملزم محمود کے قبضے سے 65 گرام اور ملزم محمد رمضان کے قبضے سے 210 دس گرام چرس منشیات برآمد کرلی گئی ہے۔

پولیس ذرائع کا کہنا ہے کہ گرفتارملزمان عادی جرائم پیشہ ہیں اور شہر بھر بالخصوص ڈیفنس کے مختلف علاقوں میں  منشیات کی فروخت میں ملوث ہیں۔

پولیس ذرائع کا مزید کہنا ہے کہ گرفتار تینوں ملزمان کے خلاف مقدمات درج کر کے مزید تفتیش کی جا رہی ہے۔