پولیس کا حلیم عادل شیخ کے گھر ایک بار پھر چھاپہ
پولیس نے ایک بار پھر اپوزیشن لیڈر سندھ حلیم عادل شیخ کے گھر چھاپہ مارا۔
تفصیلات کے مطابق اپوزیشن لیڈر سندھ حلیم عادل کے گھر پولیس کی بھاری نفری پہنچ گئی۔
ذرائع کا کہنا ہے کہ حلیم عادل شیخ پر دہشت گردی کی دفعات کے تحت درج مقدمے میں چھاپہ مارا گیا، مقدمہ گلشن معمار تھانے میں گزشتہ روز درج کیا گیا تھا، مقدمے میں دیگر دفعات بھی شامل ہیں۔
پی ٹی آئی کے پارلیمانی لیڈر سندھ اسمبلی خرم شیر زمان کا ردعمل
خرم شیر زمان نے حلیم عادل شیخ کے گھر کے باہر میڈیا سے گفتگو کرتے ہوئے کہا کہ آج کل پیپلز پارٹی بوکھلاہٹ کا شکار ہے، ہمیں جھوٹے کیسز میں نامزد کیا جارہا ہے، کسی بھی طریقے سے ہماری تحریک کو روکنے کی کوشش کی جارہی ہے، ہفتے والے دن ہم نے اسلام آباد پہنچنا ہے اور آج بیسیوں ایف آئی آر حلیم عادل شیخ کے خلاف جاری کی گئی ہیں۔
ان کا کہنا تھا کہ پولیس کے پاس کوئی بھی ایسی دستاویز نہیں تھی کہ کسی کے گھر میں گھس جائے، ایسا لگ رہا ہے کہ جیسے ہم کسی بنانا ریبپلک میں رہ رہے ہیں، اسٹریٹ کرائم پر پولیس کی کوئی کارکردگی نہیں ہے، حلیم عادل دو گھنٹے قبل یہاں سے جا چکے تھے۔
انہوں نے کہا کہ چیف جسٹس کو اس حوالے سے نوٹس لینے کی اپیل کرتے ہیں، عمران خان اس وقت پاکستان کی سب سے بڑی سیاسی جماعت کے لیڈر ہیں، یہ لوگ اب حدیں پار کر رہے ہیں، چیف جسٹس ان لوگوں سے پوچھیں کہ کس قانون کے تحت یہ کارروائیاں کی جارہی ہیں؟
پی ٹی آئی کے سینئر رہنما علی زیدی کا ردعمل
علی زیدی نے حلیم عادل شیخ کے گھر پہنچ کر میڈیا سے گفتگو کرتے ہوئے کہا کہ کیا بھول گئے کہ فرعون کا کیا حال ہوا؟ کوئی وارِنٹ نہیں پولیس کے پاس، بیڈ روم توڑ کر گھر میں گھسنا، یہ لوگوں کو پش کر رہے تھے۔
ان کا کہنا تھا کہ پولیس کو ان لوگوں نے اپنا ملازم بنایا ہوا ہے، کچھ بھی کر لیں ہمارا لانگ مارچ نہیں رکنے والا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News