عالمی بینک نے پاکستان کیلئے کنٹری کلائیمیٹ اینڈ ڈویلپمنٹ رپورٹ میں ہوشربا انکشافات کیے ہیں۔

تفصیلات کے مطابق علامی بینک نے رپورٹ شائع کی جس میں کہا کہ موسمیاتی تبدیلیوں کے باعث 2050 تک پاکستان کی جی ڈی پی میں 20 فیصد تک کمی کا خدشہ ہے۔

رپورٹ کے مطابق 2030 تک پاکستان کو جی ڈی پی کا 10 فیصد مومسیاتی تبدیلیوں پر خرچ کرنا ہو گا، زراعت اور توانائی کے شعبے میں اصلاحات کیلئے ٹارگٹڈ سبسڈی دینا ہو گی، موسمیاتی تبدیلیوں سے بچنے کیلئے زراعت اور توانائی کے شعبے میں اصلاحات ناگزیر ہیں۔

جاری کردہ رپورٹ میں کہا گیا کہ موسمایتی تبدیلیوں کے باعث حالیہ سیلاب سے 1700 افراد کی اموات ہوئی، حالیہ سیلاب کے باعث پاکستان میں 80 لاکھ سے زائد افراد بے گھر ہوئے، سیلاب کے باعث 3 کروڑ 30 لاکھ افراد متاثر، 30 ارب ڈالر کا معاشی نقصان ہوا، پاکستان کو فوری طور پر موسمیاتی تبدیلیوں سے بچنے کیلئے انویسٹمنٹ کی ضرورت ہے۔