ملک کے مختلف شہروں سے حقیقی آزادی مارچ کے سفر کا آغاز ہو گیا ہے۔

تفصیلات کے مطابق متوالے اپنے اپنے شہروں سے راولپنڈی کی جانب روانہ ہو رہے ہیں۔

کراچی سے حقیقی جمہوری آزادی کے قافلے اپنی منزل پر پہنچنے کے لیے بیتاب ہیں۔

کراچی سے قافلہ جمعرات کی رات کو روانہ ہو گا جس کے بعد پی ٹی آئی کے رہنما اور کارکنان انصاف ہاؤس پر جمع ہوں گے۔

کوئٹہ میں بھی حقیقی آزادی مارچ کا جوش زوروں پر ہے۔

پاکستان تحریک انصاف کے آرگنائزر کہتے ہیں کہ عمران خان حقیقی آزادی اور 22 کروڑ عوام کے حقوق  کیلئے اٹھے ہیں، ہم عمران خان کے ٹائیگرز ہیں، سوٹ کیسز تیار کیے بیٹھے ہیں۔

پی ٹی آئی قافلوں کے آرگنائزر ملک نصیب اللہ کا کہنا ہے کہ حقیقی مارچ کی کال خان صاحب نے دے دی ہے، اب ٹارگٹ حاصل کر کے ہی واپس آئیں گے۔