سندھ میں ملیریا سے اموات کا سلسلہ جاری ہے۔

تفصیلات کے مطابق ملیریا سے اموات کا سلسلہ جاری ہے 2 افراد ملیریا سے جاں بحق ہوگئے ہیں، جاں بحق ہونے والوں کا تعلق سکھر سے ہے۔

محکمہ صحت سندھ کے مطابق رواں سال ملیریا سے جاں بحق ہونے والوں کی تعداد 21 ہوگئی ہے جبکہ رواں سال سندھ بھر میں ملیریا کے 3 لاکھ 52 ہزار 871 کیسز رپورٹ ہوئے ہیں۔

محکمہ صحت سندھ کا کہنا ہے کہ ملیریا ایک مخصوص مادہ مچھر کے کاٹنے سے ہوتا ہے۔

ملیریا ایک قابل علاج مرض ہے، اسکی بروقت تشخیص سے علاج ممکن ہے۔

ملیریا کی ابتدائی علامات میں سردی کے ساتھ بخار ہے، یہ بخار شام کے اوقات میں شدت پکڑتا ہے جبکہ بخار کے ساتھ کپکپاہٹ اور سردی بھی لگتی ہے۔