پاکستان تحریک انصاف نے چئیرمین سینیٹ صادق سنجرانی سے استعفی کا مطالبہ کردیا۔

تفصیلات کے مطابق سینیٹ میں پی ٹی آئی اور متحدہ اپوزیشن کی پارلیمانی پارٹی کا اجلاس ہوا جس کا اعلامیہ جاری کردیا گیا ہے۔

اعلامیے کے مطابق پارلیمانی کمیٹی نے چیئرمین پی ٹی آئی و سابق وزیراعظم عمران خان پر قاتلانہ حملے کی شدید الفاظ میں مذمت کی جبکہ حملے میں نامزد ملزمان پر فوری ایف آئی آر درج نہ ہونے پر شدید تحفظات کا اظہار  بھی کیا۔

اجلاس میں مطالبہ کیا گیا کہ متاثرہ فریق کی دارخوست کے مطابق فلفور ایف آئی آر درج کی جائے تاکہ اس حملے کے مرتکب افراد کو کیفر کردار تک پہنچایا جائے۔

کمیٹی کی جانب سے چئیرمین پی ٹی آئی عمران خان کی پریس کانفرنس میں کیےگئے چاروں مطالبات پر زور تائید کی گئی جبکہ کمیٹی نے سپریم کورٹ سے ان چاروں مطالبات پر فوری ایکشن کی توقع ظاہر کی۔

اجلاس میں سینیٹر اعظم سواتی کے ساتھ بہمانہ،غیر انسانی اورغیراخلاقی سلوک کو شدید الفاظ میں مذمت کی گئی اور پارلیمانی پارٹی نے قائم کردہ اسپیشل کمیٹی کو بھی یکسر مسترد کردیا۔

ایوان کے معزز ممبر اعظم سواتی کے ساتھ تقدس کی پامالی پر چئیرمین سینیٹ صادق سنجرانی سے استعفی کا مطالبہ کردیا۔