سابق وزیراعظم عمران خان پر قاتلانہ حملے کی ایف آئی آر کے معاملے پر تحریک انصاف کی جانب سے دوبارہ سپریم کورٹ سے رجوع کرنے کا فیصلہ کیا گیا ہے۔

تفصیلات کے مطابق چیئرمین پی ٹی آئی عمران خان نے رہنماوں کو زمان پارک طلب کر لیا ہے جہاں اہم میٹنگز ہوں گی اور پولیس کی جانب سے درج کیے جانیوالے مقدمے کے حوالے سے مشاورت کی جائیگی۔

خیال رہے کہ تحریک انصاف نے سپریم کورٹ میں عمران خان قاتلانہ حملے کے حوالے سے اندراج مقدمہ کے لیے درخواست جمع کروائی تھی جس پر سپریم کورٹ نے چوبیس گھنٹے میں مقدمہ درج کر کے کاپی پیش کرنے کا حکم دیاتھا تاہم پولیس نے تحریک انصاف کی درخواست پر مقدمہ درج کرنے کے بجائے اپنی مدعیت میں ہی مقدمہ درج کر دیا ہے۔

پولیس کے اس اقدام پر تحریک انصاف نے ایک بار پھر سپریم کورٹ سے رجوع کرنے کا فیصلہ کیا ہے جبکہآج انسپکٹر جنرل پولیس کے دفتر کے باہر احتجاجی مظاہرہ بھی کیا جائیگا۔

علاوہ ازیں تحریک انصاف کے رہنما پریس کانفرنس کر کے آئندہ کے لائحہ عمل سے بھی آگاہ کریں گے۔