چین کی جانب سے پاکستان کو ہیپاٹائٹس اے کیویکسین کی ایک لاکھ خوراک عطیہ دی گئی ہیں۔

تفصیلات کے مطابق فیڈرل ڈائریکٹوریٹ اف امیوناییزیشن کے زیر اہتمام  تقریب کا انعقاد کیا گیا جہاں وفاقی وزیر صحت عبدالقادر پٹیل نے تقریب کی صدارت کی۔

اس موقع پر چین نے پاکستان کو ہیپاٹائیٹس اے ویکسین کی ایک لاکھ خوراک عطیہ دی جبکہ  وزیرصحت عبدالقادر پٹیل نے ساینوویک کے چیف ایگزیکٹو آفیسر گاؤ چیانگ سے عطیہ وصول کیا۔

اس موقع پر تقریب سے خطاب کرتے ہوئے وفاقی وزیر عبدالقادر پٹیل نے  چین کی حکومت اور عوام کا شکریہ ادا کیا اور کہا کہ چین نے مشکل کی گھڑی میں ہمیشہ پاکستان کا ساتھ دیا ہے۔

انہوں نے کہا کہ سیلاب کے دوران بھی چین فوراً پاکستان کی مدد کو آیا۔سیلاب کی بدولت پاکستان کو شدید جانی و مالی نقصان کا سامنا کرنا پڑا جبکہ موسمیاتی تبدیلیوں میں پاکستان کا حصہ ایک فیصدبھی نہیں تاہم تباہی کا سامنا ہمیں ہے۔

وفاقی وزیرصحت عبدالقادرپٹیل  نے کہا ہے کہ چین کی تیار کردہ کورونا ویکسین سائنو ویک نے پاکستانیوں کو وباء سے محفوظ رکھا۔پاکستان نے بہتر حکمت عملی اپنا کر کورونا وباء پر قابو پایا۔