شہید صحافی ارشد شریف کی اہلیہ صومیہ ارشد نے ڈاکٹر فرخ کمال کو خط لکھ دیا۔

تفصیلات کے مطابق شہید صحافی ارشد شریف کی اہلیہ نے ڈاکٹر فرخ کمال کو خط لکھا جس میں انہوں نے کہا کہ قانونی چارہ جوئی کیلئے ارشد شریف کی پوسٹ مارٹم رپورٹ فراہم کی جائے۔

خط میں انہوں نے مطالبہ کیا کہ خاندان کی طرف سے میرے بھائی نے پوسٹ مارٹم رپورٹ کے حصول کیلئے کوشش کی، میرے بھائی کو پوسٹ مارٹم رپورٹ دینے کے بجائے پولیس اور ہسپتال کے چکر کاٹنے پر لگا دیا گیا۔

ارشد شریف کی اہلیہ نے خط میں لکھا کہ پوسٹ مارٹم رپورٹ کے حصول میں مشکلات جھیلنے سے میں، شہید کی ماں اور یتیم بچے ذہنی تناؤ کا شکار ہو چکے ہیں، سوشل میڈیا پر پوسٹ مارٹم رپورٹ گردش کر رہی ہے جس کے سبب مختلف افواہیں پھیل رہی ہیں۔

انہوں نے خط میں مزید لکھا کہ وقت ضائع کیے بغیر پوسٹ مارٹم کرنے والے تمام ڈاکٹرز کے دستخط شدہ مصدقہ رپورٹ فراہم کی جائے۔

ڈائریکٹر ہسپتال پمز ارشد شریف کے اہل خانہ سے ملنے والے خط سے بے خبر

ڈائریکٹر ہسپتال کے مطابق ان کو ارشد شریف کے اہل خانہ کی طرف سے کوئی خط موصول نہیں ہوا۔

جوائنٹ ای ڈی پمز کی خط پر مہر نے پمز کو خط موصول ہونے کی تصدیق کر دی۔