فاقی وزیر آئی ٹی و ٹیلی کمیونیکیشن سید امین الحق سے سی ای او زونگ وانگ ہووا نے ملاقات کی جس میں اسپیکٹرم، فائیو جی، کنیکٹوٹی اور معیاری ٹیلی کام سروسز کی فراہمی کے حوالے سے گفتگو کی گئی۔

ملاقات میں گفتگو کرتے ہوئے کہا کہ وفاقی وزیر نے کہا کہ ملک کے کونے کونے میں براڈ بینڈ سروسز کی فراہمی پہلی ترجیح ہے۔

سید امین الحق/ سی ای او زونگ ملاقات

وفاقی وزیر آئی ٹی و ٹیلی کمیونیکینش سید امین الحق سے سی ای او زونگ وانگ ہووا کی ملاقات۔ ملاقات میں اسپیکٹرم، فائیو جی، کینکٹوٹی اور معیاری ٹیلی کام سروسز کی فراہمی کے حوالے سے گفتگو ہوئی. #DigitalPakistan @SyedAminulHaque @Zongers pic.twitter.com/R8kAUyhsBv

Advertisement

— Ministry of IT & Telecom (@MoitOfficial) November 15, 2022

‘ٹیلی کام سیکٹر کو اپنے انفرا اسٹرکچر کو اپ گریڈ کرنا ہوگا’

انہوں نے کہا کہ سروسز کے معیار کو بہتر کرنے کے لیئے ٹیلی کام سیکٹر کو اپنے انفرا اسٹرکچر کو اپ گریڈ کرنا ہوگا۔

امین الحق نے کہا کہ سیلولر موبائل آپریٹرز کے مسائل اور ٹیکس ایشوز کو حل کرنے کے لیئے ہر ممکن اقدامات کررہے ہیں۔

فاقی وزیر آئی ٹی نے مزید کہا کہ ڈیجیٹل ورلڈ کے چیلنجز کا مقابلہ کرنے کیلئے آئندہ سال فائیو جی لانچنگ کیلئے پرعزم ہیں۔

سی ای او زونگ

دوسری جانب زونگ ہووا نے گفتگو کرتے ہوئے کہا کہ فائیو جی لانچنگ میں زونگ وزارت آئی ٹی کے ساتھ ہر ممکن تعاون کیلئے تیار ہے۔

سی ای او زونگ نے مزید کہا کہ جلد ہی ای کامرس کیلئے مائیکروفنانس طرز کی ایپلی کیشن متعارف کروارہے ہیں۔

پی ٹی اے کیجانب سے اوورسیز پاکستانیوں کیلئے بڑی خوشخبری

چند ہفتے قبل پاکستان ٹیلی کمیونیکیشن اتھارٹی کی جانب سے اوورسیز پاکستانیوں کیلئے ایک اچھی سہولت کا اعلان کیا گیا تھا۔

 قائمہ کمیٹی انفارمیشن ٹیکنالوجی کو بریفنگ کے دوران پی ٹی اے حکام کا کہنا تھا کہ پی ٹی اے نے ایف بی آر کو اوورسیز کے ایک فون پر ٹیکس چھوٹ کی سفارش کردی تھی۔

پی ٹی اے حکام کا کہنا تھا کہ اوورسیز پاکستانیوں کی سہولت کیلئے ذاتی استعمال کے فون پر رجسٹریشن کی چھوٹ دی ہے، اب پی ٹی اے60 روز بعد اوورسیز پاکستانیوں کا موبائل فون بلاک نہیں کرے گا۔

   واضح رہے کہ اس نئے اعلان سے قبل 60 روز بعد اوورسیز پاکستانیوں کو ٹیکس دیکر فون رجسٹرڈ کرانا ہوتا تھا لیکن اب رجسڑڈ کروانے کی ضرورت نہیں ہو گی۔