پاکستان تحریک انصاف کے رہما فیصل جاوید نے کہا ہے کہ لوگ شدت سے عمران خان کا انتظار کررہے ہیں اور آج راولپنڈی پہنچنے کیلئے تاریخ کا اعلان ہونا ہے۔

انہوں نے کہا کہ جیسے جیسے قافلے آگے بڑھ رہے ہیں لوگوں کی تعداد بڑھ رہی ہے اور کپتان کے اعلان کے بعد پورے ملک سے قافلے راولپنڈی پہنچیں گے۔

انہوں نے مزید کہا کہ وزیرآباد حملےمیں عمران خان کابچنا ایک بہت بڑامعجزہ ہے لیکن ان کی طبیعت بہت بہتر ہے۔

فیصل جاوید نے کہا کہ ڈاکٹر عمران خان کا معائنہ کرکے بتائیں گے کہ کب فٹ ہوینگے اور کب حقیقی آزادی مارچ میں شرکت کرسکیں گے۔

اس سے قبل عثمان ڈار نے میڈیا سے گفتگو کرتے ہوئے کہا کہ پی ٹی آئی مذاکرات کرنے سے کبھی پیچھے نہیں ہٹی لیکن اگرحکومت اور پی ڈی ایم ہی سنجیدہ نہیں تو پھرکیسے مذاکرات ہونگے۔