راناثناءاللہ نے کہا ہے کہ سوشل میڈیا میں کچھ چیزیں ایسی ہے جس کو کنٹرول کرنا چاہیے۔

تفصیلات کے مطابق وفاقی وزیر داخلہ راناثناءاللہ نے میڈیا سے گفتگو کرتے ہوئے کہا ہے کہ سوشل میڈیا میں کچھ چیزیں ایسی ہے جس کو کنٹرول کرنا چاہیے، یہ ایک سنجیدہ معاملہ ہے، اندیشہ ہے کہ آزادی اظہار رائے کو نقصان نہ پہنچے۔

راناثناءاللہ نے کہا کہ سوشل میڈیا کے ذریعے لوگوں کے نجی زندگی کو نقصان پہنچایا جارہا ہے، سوشل میڈیا سے متعلق ایف آئی اے کو اختیارات منتقلی پر مباحثہ ہوگا،اگر صحافیوں نے کہا کہ اس بل سے آزادی اظہار رائے پر قدغن لگے گی تو واپس لےلیں گے۔

انہوں نے یہ بھی کہا کہ اظہار رائے کی آزادی کو برقرار رکھتے ہوئے میڈیا اور صحافتی تنظیمیں ہماری رہنمائی کرے، بل تو پارلیمنٹ میں آخر میں حکومت لارہی ہیں۔

وزیر داخلہ کا کہنا تھا کہ مذکرات سیاستدان سے ہوتے ہیں یہ تو سیاستدان ہے ہی نہیں، عمران خان تو سیاسی دہشتگرد ہے۔

ان کا یہ بھی کہنا تھا کہ عمران خان کو اسلام آباد کے داخلے کا معاملہ عدالت میں زیر سماعت ہے،اگر عمران خان ہائیکورٹ کو یقین کراتے ہے تو آنے دیا جائے گا۔

ایک سوال میں جب وفاقی وزیر داخلہ راناثناءاللہ سے پوچھا گیا کہ نواز شریف کے منع کرنے کے باوجود کیا حکومت مذاکرات کرے گی؟ تو انہوں نے جواب دیا کہ سیاست میں ہمیشہ مذاکرات کی حمایت کی جاتی ہے، کوئی سیاستدان کبھی یہ نہیں کہتا کہ ہم مذاکرات نہیں کرینگے،جب ہم مذاکرات کی بات کرتے ہے تو عمران خان گالیاں دیتے ہیں۔