پاکستان اور ترکیہ کے درمیان 75 سالہ تاریخی سفارتی تعلقات مکمل ہونے پر پی آئی اے کی جانب سےاستنبول کے لیے براہِ راست پروازوں کا آغاز آج سے کردیا گیا ہے۔

 تفصیلات کے مطابق پاکستان اور ترکیہ کے درمیان 75 سالہ تاریخی سفارتی تعلقات کے  مکمل ہونے پر  پی آئی اے کی جانب سے براہ راست پروازیں شروع کردی گئیں ہیں۔پی آئی اے کا استنبول آپریشن پاکستان اور ترکی کے سفارتی تعلقات قائم ہونے کی 75 ویں سالگرہ کے طور پر کیا گیا ہے۔

پی آئی اے کی پروازوں کی شروعات دونوں اسلامی ممالک کے مابین دیرینہ تعلقات کی تجدید نو ہے

پی آئی اے کی ترکیہ کے لئے شروع کی گئی ان پروازوں سے مسافروں کو یورپ، برطانیہ اور امریکہ کے 28 شہروں تک سفر کی آسان رسائی ممکن ہوجائےگی۔ پاکستان سے  امریکہ، برطانیہ اور یورپ کے مختلف شہروں تک سفری سہولیات فراہم کرنے والی یہ پہلی پاکستانی فضائی کمپنی ہے ۔ لاہور سے 2 اور اسلام آباد سے ہفتہ وار 4 پروازیں شروع کی جارہی ہیں۔

بول نیوز ذرائع کے مطابق  لاہور ائیرپورٹ پر پی آئی اے کی جانب سے ایک سادہ اور پروقارافتتاحی تقریب منعقد کی گئی جس کے مہمان خصوصی وزیر ایوایشن خواجہ سعد رفیق تھے۔ اس افتتاحی پرواز کے موقع کیک کاٹا گیا اور مسافروں میں پھول،تحائف اور ترکش مٹھائیاں تقسیم کی گئیں۔

تقریب سے خطاب کرتے ہوئے وزیر اپوزیشن خواجہ سعد رفیق نے کہا کہ پاکستان اور ترکی کےگہرے تاریخی تعلقات ہیںاور دونوں ممالک مشترکہ ثقافتی رشتے سے منسلک ہیں انہوں نے مزید کہا کہ پی آئی اے اپنی سروس کے معیار کو بہتر سے بہتر بنانے کیلئے کوشاں یے۔