گذشتہ برس سے اس سال کراچی میں 4.25 فیصد جرائم میں کمی آئی ہے۔

تفصیلات کے مطابق کراچی میں گذشتہ ماہ میں ڈکیتیوں کے دوران مختلف مقامات پر 81 افراد جاں بحق اور 347 زخمی ہوئے۔

اکتوبر میں 830 موبائل فونز اور 3 گاڑیاں شہریوں سے لوٹ لی گئیں جبکہ 67 گاڑیوں اور 1389 موٹر سائیکل چوری ہونے کے واقعات رپورٹ ہوئے۔

مختلف پولیس مقابلوں میں 92 ڈاکو ہلاک اور 792 زخمی جبکہ 6950 کو گرفتار کیا گیا۔

گذشتہ ماہ کے دوران 5023 ہتھیار برآمد کیے گئے جس میں 16 ایس ایم جی 4729 پستول 44 رائفلیں اور 234 شارٹ گن شامل ہیں۔

کراچی پولیس نے گذشتہ ماہ کے دوران چرس، آئس، ہیروئن اور کرسٹل سمیت کئی ہزار کلو گرام منشیات بھی برآمد کیں اور 6676 منشیات فروشوں کو گرفتار کیا۔

گٹکے کے خلاف کارروائیوں کے دوران 2743 گٹکا فروشوں کو گرفتار کیا گیا جبکہ 20390 کلو گٹکا برآمد کیا گیا۔