اتوار کو میلبورن میں 95 فیصد بارش کی پیشگوئی کردی گئی، آسٹریلوی محکمہ موسمیات

 تفصیلات کے مطابق آئی سی سی ٹی ٹوئنٹی ورلڈ کپ کا اتوار کے روز ہونے والا فائنل میچ  بارش کی نزر ہونے کا خدشہ ظاہر کیا جارہا ہے۔

آسٹریلوی محکمہ موسمیات کی  رپورٹ میں  اتوار کو میلبورن میں 95 فیصد بارش ہونے کا قوی امکان ظاہرکیا گیا ہے۔

 اس حوالے سے آئی سی سی نے کہا ہے کہ اتوار کو میچ نہ ہو نےکی صورت میں پیر کو ریزرو ڈے پر میچ ہوگا۔تاہم پیر کو بھی کسی وجہ سے میچ نہ ہونے پر دونوں ٹیموں کو مشترکہ طور پر چیمپئن قرار دے دیا جائے گا۔

واضح رہے کہ سیمی فائنل میں پاکستان نے نیوزی لینڈ کو7 وکٹوں سے شکست دے کر پہلے ہی فائنل کے لیے کوالیفائی کر لیا ہے جبکہ آج ٹی ٹوئنٹی ورلڈکپ کا دوسرا سیمی فائنل بھارت اور انگلینڈ کی ٹیموں کے مابین کھیلا جائے گا جس میں سے جیتننے والی ٹیم فائنلز میں پاکستان کے مد مقابل ہوگی۔