سردار تنویر الیاس خان نے کہا ہے کہ ہمارا واحد مقصد اپنی عوام کی خدمت ہے۔

تفصیلات کے مطابق وزیراعظم آزاد کشمیر سردار تنویر الیاس خان نے گزشتہ روز چیئرمین کشمیر آرفن ریلیف ٹرسٹ چوہدری محمد اختر کی بیٹی کی شادی کی تقریب اور ہاؤسنگ پراجیکٹ کی افتتاحی تقریب میں شرکت کی۔

اس موقع پر سردار تنویر الیاس خان نے کہا کہ لائن آف کنٹرول پر رہنے والے لوگ نامساعد حالات کے باوجود اپنی افواج کے شانہ بشانہ کھڑے ہیں اور بھارتی فوج کے خلاف سیسہ پلائی دیوار بنے ہوئے ہیں۔

  انہوں نے کہا کہ وزیراعظم آزاد کشمیر نے کہا کہ ہاؤسنگ پراجیکٹ منصوبہ سے لائن آف کنٹرول کے علاقوں میں شہداء، مستحقین اور بیواؤں کے لئے 500 گھر کورٹ کے تعاون سے تعمیر کیے جا رہے ہیں، جس کا واحد مقصد انسانیت کی خدمت ہے۔

انہوں نے کہا کہ حکومت آزاد کشمیر کورٹ کے تعاون سے جلد ائیر ایمبولینس سروس شروع کرے گی جبکہ ہمارا واحد مقصد اپنی عوام کی خدمت ہے۔

وزیراعظم آزاد کشمیر سردار تنویر الیاس خان نے شرکاء سے مخاطب ہوتے ہوئے مزید کہا کہ کوشش کریں فلاحی کاموں میں حصہ بنیں اور نیت صاف رکھیں تو الله تعالٰی کامیابی ضرور دیتا ہے۔