اپوزیشن لیڈر راجہ ریاض نے کہا ہے کہ وفاقی حکومت لانگ مارچ ختم کرنے کیلئے سختی برتے۔

تفصیلات کے مطابق اپوزیشن لیڈر راجہ ریاض نے قومی اسمبلی میں خطاب کرتے ہوئے کہا کہ پنجاب میں ایک غنڈہ فتنہ جماعت نے سڑکیں بند کی ہوئی ہیں، میں نے راجہ نادر پرویز کی اہلیہ کی وفات پر جانا تھا کہیں سے کوئی راستہ نہیں ملا۔

ان کا کہنا تھا کہ اس جماعت نے پہلے چینی صدر کا دورہ ملتوی کرایا اب سعودی شہزادے کا دورہ ملتوی کرانا چاہتی ہے۔

انہوں نے کہا کہ شہر میں ہر جگہ پندرہ بیس لوگ ہیں اور راستے بند کر رکھے ہیں، وفاقی حکومت ان سے سختی کرے، نرمی سے کام نہ لے۔