سابق وفاقی وزیر فواد چوہدری نے کہا ہے کہ پاکستان کو نان الیکٹڈ لوگوں کے رحم وکرم پر نہیں چھوڑا جاسکتا ہے ۔

تفصیلات کے مطابق بول نیوز کی خصوصی ٹرانسمیشن سے گفتگو کرتے ہوئے پاکستان تحریک انصاف کے سینئر رہنما فواد چوہدری نے کہا ہے کہ شعور کا جن بوتل سے باہر آگیا ہے جو واپس نہیں جائے گا ۔

انہوں نے کہا کہ گزشتہ روز ہماری توقعات سے زیادہ لوگ جمع ہوئے تھے اور عوام کے بڑے اجتماع سے ظاہر ہے لوگ ڈرے نہیں، عوام خوف کا شکار ہونے کے بجائے ردعمل دے رہے ہیں۔

انہوں نے مزید کہا کہ اداروں نےطےکرلیاکہ ان کاکوئی کردارہی نہیں کیونکہ ارشد شریف نے چیف جسٹس کوخط لکھاتھاکہ یہ مجھےماردیں گے لیکن ان کے خط پر کوئی ردعمل نہیں دیاگیا، اعظم سواتی نےہفتےسےدرخواست دی ہےکچھ نہیں ہوا ۔

فواد چوہدری نے کہا کہ بند کمروں میں فیصلےکر کے عوام پرمسلط کیے جاتے ہیں لیکن کوئی بھی پاکستان کے فیصلے نہیں کرسکتا ہے کیونکہ پاکستان کے فیصلے پاکستان کے عوام نے کرنے ہیں۔

ان کا کہنا تھا کہ عوام کو عوامی جمہوری مملکت کیلئےعمران خان کے ساتھ  کھڑا ہونا ہوگا اور عوام نےفیصلہ کرناہے نان الیکٹڈ کےغلام رہیں گے یاحقوق لیں گے۔