سینٸر صوباٸی وزیر میاں اسلم اقبال نے کہا ہے کہ ہم فیصلہ کن وقت میں جھکنے سے برملا انکار کرتے ہیں۔

تفصیلات کے مطابق سینٸر صوباٸی وزیر میاں اسلم اقبال نے اپنے بیان میں کہا کہ حقیقی آزادی کی جدوجہد کیلئے کپتان کی قیادت میں نہ رکیں گے نہ جھکیں گے، ہم اس دھرتی کا قرض اتارنے اور اپنی نسلوں کے مستقبل کیلئے آخری سانس تک کپتان کے ساتھ ڈٹ کر کھڑے رہیں گے۔

میاں اسلم اقبال نے کہا کہ حقیقی آزادی مارچ کا دوبارہ آغاز اسی مقام سے ہوا ہے جہاں عمران خان پر حملہ کر کے ہمارے حوصلے پست کرنے کی مذموم کوشش کی گئی تھی۔

ان کا کہنا تھا کہ امپورٹڈ حکومت پر صدافسوس کہ ان کی کوئی بھی چال عوام کوخوفزدہ کرنے میں کامیاب نہیں ہوئی، انشاءاللہ عوامی سمندر جلد اسلام آباد سے ٹکرائے گا۔