وزیراعلیٰ بلوچستان عبدالقدوس بزنجو سے جرمنی کے قونصل جنرل ڈاکٹر روڈیگر لوٹز نے ملاقات کی ہے۔

ملاقات میں وزیراعلیٰ بلوچستان میر عبدالقدوس بزنجو نے کہا ہے کہ بلوچستان میں سرمایہ کاری کیلئے انتہائی محفوظ اور موزوں ماحول پیدا کیا گیا ہے، جس کا ثبوت 8 ارب ڈالر کی بیرونی سرمایہ کاری کا ریکو ڈک کا منصوبہ ہے۔

س موقع پر جرمن قونصل جنرل ڈاکٹر روڈیگر لوٹز نے کہا کہ خطہ میں تجارتی سرگرمیوں جائزہ لینے کے لئے دبئی میں جرمن چیمبر آف کامرس کا ذیلی دفتر جلد پاکستان میں قائم کیا جائے گا۔

انہوں نے کہا کہ بلوچستان معدنیات زراعت متبادل توانائی لائیو سٹاک اور سمندری پیداوار کے شعبوں میں سرمایہ کاری کے حوالے سے منفرد خصوصیات کا حامل خطہ ہے جس جانب جرمن سرمایہ کاروں کو راغب کیا جائے گا۔

جرمن قونصل جنرل ڈاکٹر روڈیگر لوٹز نے مزید کہنا تھا کہ جرمنی پاکستان سے اپنے تعلقات کو بے پناہ اہمیت دیتا ہے۔