ڈائریکٹر سفاری پارک نے واٹر بورڈ کو پارک سے گزرنے والی لائن کی فوری مرمت کرانے کی درخواست کر دی ہے۔

تفصیلات کے مطابق ڈائریکٹر سفاری پارک بلدیہ عظمی کراچی نے واٹر بورڈ کو خط لکھ دیا۔

خط میں بولا گیا کہ سفاری پارک سے گزرنے والی بڑی لائن برسوں سے رس رہی ہے، حالیہ دنوں میں لائن سے پانی کے رسائو میں اضافہ ہو گیا ہے۔

ڈائریکٹر سفاری پارک نے کہا کہ پانی کے رسائو سے سفاری پارک میں پانی جمع ہے، لائن سے رسنے والا پانی یونیورسٹی روڈ کو بھی متاثر کر رہا ہے، سفاری پارک آنے والے شہری بھی پانی جمع ہونے کی شکایات کر رہے ہیں۔

خط میں انہوں نے لکھا کہ ساری صورتحال میں سفاری پارک کو بڑے مالی خسارے کا سامنا ہے، واٹر بورڈ ہنگامی بنیادوں پر سفاری پارک سے گزرنے والی لائن کی مرمت کرائے۔