مظفر گڑھ میں کار اور موٹر سائیکل کی آپس میں ٹکر ہوئی جس کے باعث دو افراد موقع پر جاں بحق ہوگئے۔

تفصیلات کے مطابق ریسکیو ذرائع کا کہنا ہے کہ مظفر گڑھ میں کار اور موٹرسائیکل کے درمیان تصادم کے نتیجے میں دو افراد موقع پر جاں بحق ہوگئے جبکہ ایک شدید زخمی ہے۔

تصادم کے نتیجے میں کار کو آگ لگ گئی جبکہ زخمی بھائی کو انتہائی تشویشناک حالت میں نشتر اسپتال منتقل کیا جارہا ہے۔

ریسکیو ذرائع کے مطابق 3 بہن بھائی ملتان سے احمد پور سیال جا رہے تھے، حادثے میں جاں بحق ہونے والی دونوں بہنوں کا تعلق احمد پور سیال سے ہیں۔

 واضح رہے کہ ریسکیو 1122 کی ایمبولینسز اور پولیس موقع پر پہنچ گئی تھی۔