سابق صدر آصف علی زرداری نے کہا ہے کہ ہم نے ہمیشہ اداروں کیساتھ ملکر دشمن کا مقابلہ کیا ہے اور اب بھی کریں گے۔

سابق صدر آصف علی زرداری کی جانب سے جاری کئے جانے والے بیان میں انہوں نے ملکی ایجنسیسز کے خلاف زہر افشانی کی شدید مذمت  کی ہے۔

انہوں نے کہا کہ ہم اپنی پاک فوج کی قربانیوں اور شہادتوں کو کبھی نہیں بھلا سکتے ہیں، اداروں کی بقاء سے ہی ملک کی بقاء ہے اور ہم کسی صورت بھی ان پر حملہ برداشت نہیں کریں گے۔

انہوں نے مزید کہا کہ 1947 سے لے کر اب تک ہم نے اور اداروں نے ملکر دشمن کا مقابلہ کیا ہے اور اب بھی کریں گے۔

آصف علی زرداری کا کہنا تھا کہ دشمن نے اس دفعہ اندر کے لوگوں سے ہی حملہ کروایا ہے اور ہم دشمن کی اس سازش کو بھی ناکام بنائیں گے۔