اسلامیہ کالج خالی کرانے کے دوران طلبہ کا احتجاج، پولیس کی شیلنگ اور لاٹھی چارج

سپریم کورٹ کے احکامات پر عملدرآمد کے لئے کراچی کے اسلامیہ کالج کی عمارت خالی کرانے کے دوران طالب علم سراپا احتجاج رہے۔

تفصیلات کے مطابق عدالتی احکامات پر اسلامیہ کالج کو خالی کرانے کے لئے پولیس کی بھاری نفری آج صبح اسلامیہ کالج پہنچی ۔

اس موقع پر اسلامیہ کالج کے باہر اسلامی جمعیت طلبہ کے کارکنان باہر نکل آئے اور انتظامیہ، پولیس اور عدالت کے خلاف نعرے بازی بھی کی۔

احتجاج کے دوران طالب علموں کی جانب سے ٹائر جلائے گئے جس پر ایکشن لیتے ہوئے پولیس کی جانب سے شیلنگ شروع کی گئی۔

بعدازاں پولیس نے طلبہ کو حراست میں لینا شروع کردیا ہے جبکہ عدالتی عملے کی پولیس نفری کے ہمراہ اسکول کے اندر عدالتی کارروائی جاری ہے۔

بعدازں پولیس نے مظاہرین کو منتشر کردیا ہے تاہم کسی بھی ناخوش گوار واقعہ سے نمٹنے کے پولیس کی اضافی نفری کالج کے باہر موجود ہے۔

پولیس کی جانب سے طلبہ کو منتشر کرنے کے لیے واٹر کینن کا بھی استعمال کیا گیا۔

اس حوالے سے پولیس کا کہنا ہے ہم عدالتی عملے کو سپورٹ کرنے کے لئے یہا موجود ہیں تاہم عدالتی احکامات کے مطابق اسلامیہ کالج پرائوٹ پراپرٹی پر قائم ہے۔

پولیس نے بتایا ہے کہ کالگ کی عمرات کو خالی کروا کر ٹرسٹیز کے حوالے کیا جائے گا تاہم احتجاج کے دوران دو سے تین طلبہ کو حراست میں بھی لیا گیا ہے۔