دعا زہرا کیس میں مزید تحقیقات کے حوالے سے بچی کا نفسیاتی معائنہ کرنے کیلیے ترمیم شدہ میڈیکل بورڈ تشکیل دے دیا گیا ہے۔

تفصیلات کے مطابق محکمہ صحت نے بچی دعا زہرا کا نفسیاتی معائنہ کرنے کے لیے  ترمیم شدہ میڈیکل بورڈ تشکیل دے دیا ہے، جس کا باقاعدہ نوٹیفکیشن بھی جاری کیا گیا ہے۔

نوٹیفکیشن کے مطابق میڈیکل بورڈ میں ڈاکٹر فاطمہ ریاض کی جگہ ڈاکٹر عائشہ ثروت کو شامل کردیا گیا ہے تاہم سندھ ہائیکورٹ نے یکم نومبر کو میڈیکل بورڈ از سرے نو تشکیل دینے کا حکم دیا تھا۔

محکمہ صحت نے ڈاکٹر عظمیٰ علی اور ڈاکٹر عائشہ ثروت کو مغویہ بچی کا نفسیاتی معائنہ کرنے کی ہدایت کردی ہے جو کہ مغویہ بچی کا نفسیاتی معائنہ کرکے پندرہ دن میں رپورٹ پیش کی جائے۔