وزیر بلدیات سندھ ناصر شاہ نے کہا ہے کہ ہم بلاول بھٹو کو ملک کا وزیر اعظم بنا کر دم لیں گے۔

تفصیلات کے مطابق وزیر بلدیات سندھ ناصر شاہ نے کورنگی جلسے سے خطاب کرتے ہوئے کہا کہ پیپلز پارٹی ملک کے لیے قربان ہوتی رہی ہے۔

ناصر شاہ نے کہا کہ شہید ذوالفقار علی بھٹو، محترمہ بینظیر بھٹو ملک کے لیے قربان ہوئے اور سابق صدر آصف علی زرداری کو سالہا سال قید میں رکھا گیا۔

ان کا کہنا تھا کہ ہم اب بلاول بھٹو زرداری کو ملک کا وزیر اعظم بنائینگے، کورنگی کے لئے چئیرمین بلاول بھٹو زرداری کی ہدایت ہر کئی ترقیاتی منصوبے دیے گئے، مزید ترقیاتی کام ہونگے۔