’ ملک بھر کو گندم کی پیداوار میں 30 لاکھ ٹن کی کمی کا سامنا ہے‘

تفصیلات کے مطابق ملک میں گندم کی کمی کو پورا کرنے کے لئے روس سے گندم درآمد کی جارہی ہے جس میں پورٹ سے اسٹیشن پہنچنے کے چارجز بھی عائد کیے جائیں گے۔

وفاقی کابینہ کی اقتصادی رابطہ کمیٹی ( ای سی سی) نے روس سے 3 لاکھ میٹرک ٹن گندم درآمد کرنے کی منظوری دے دی ہے۔ ٹی سی پی ذرائع نے اس حوالے سے بتایا کہ اس وقت  ملک بھر میں  گندم کی پیداوار میں 30 لاکھ ٹن تک کی کمی کا سامنا ہے۔

بول نیوز ذرائع کے مطابق روس سے یہ گندم 372 ڈالر فی ٹن کی قیمت پر درآمد کی جا رہی ہے۔ بیورو آف شماریات کے مطابق ملک بھر کی مارکیٹس میں دس کلوآٹےکی قیمت 872 روپے  ہےاور روس سے خریدی جانے والی 3 لاکھ ٹن گندم پر 60 کروڑ روپے اضافی لاگت آئے گی۔

 ٹی سی پی ذرائع کے مطابق  گندم کی امپورٹ ابھی تک شروع نہیں ہوئی ہے تاہم  روس سے یہ گندم 15 نومبر 2022 سے 15 جنوری 2023 کے درمیان درآمد کی جاسکے گی ۔