کشمیر ای یو ویک کی تقریبات برسلز میں اختتام کو پہنچ گئیں۔

تفصیلات کے مطابق کشمیر پر کانفرنس یورپی پارلیمنٹ میں منعقد ہوئی اور اس میں کشمیر پر کانفرنس، نمائش اور ملاقاتیں شامل تھیں۔

اختتامی تقریب کا انعقاد یورپی پریس کلب برسلز میں کیا گیا۔

تقریبات میں یورپی اور کشمیری دانشوروں اور ماہرین نے شرکت کی۔

چیئرمین کشمیر کونسل ای یو علی رضا سید کا اس موقعے پر کہنا تھا کہ تقریبات کا مقصد مسئلہ کشمیر کو اجاگر کرنا ہے، ان تقریبات کے دور رس نتائج برآمد ہوں گے۔

علاوہ ازیں یورپی پریس کلب میں تصویری نمائش 26 نومبر تک جاری رہے گی جس کا گذشتہ روز بلجیئم میں پاکستان کے سفیر اسد مجید نے بھی دورہ کیا تھا۔